Neu Ingat, 26 Maret 1873 Beulanda Ultimatum Aceh Ji Pakat Meuprang

Baca sampoe habeh, mangat ta teupeu seujarah 

Pante Ceureumen di Ulee Lheue jeut keu saboh saksi, wate  kapai prang  awak Beulanda ji piyoh bak darat  Aceh bak beuleuen Maret 1873 masehi.

Na sidroe awak Beulanda dadri kapai F.N Nieuwenhuyzen salah sirdroe Komisaris Peumeurintah Hindia Beulanda, peu but jih disinan?hana laen na keuh ji baca saboh haba mita lawan keu sultan atawa raja Aceh, na keuh ji pakat meuprang phah bak tanggai 26 Maret 1873.

Lam surat nyan ji peunyata haba prang lawan aceh. Sigohlom nyoe, na saboh haba,  mangat ta peugah sigohlom jih Aceh ngon Beulanda na saboh hubungan dipomatik niaga. Tapih awak Beulanda ka ji meulanggeh lam aturan nyan geu peunan ‘Traktat London 1824’ asoe lam aturan nyan na keuh ‘’saboh haba ji peunyata antara Inggreh ngon Beulanda suah ji boh yum keudaulatan ngon integritas keusultanan Aceh Darussalam”.

Keuadaan jameun bak leun seumeujid Baiturrahman (photo nanggroeaceh)

Tapih sithon seuteuleuh nyan, awak Beulanda ji kuasa ateuk Siak, lam nyan ji peugot saboh janji  Siak 1858. Sultan Siak geu jok daerah Deli, Langkat, Asahan ngon Serdang bak Beulanda. Padahai sigohlom jih, ka wate masa sultan Iskandar Muda (1604-1635) mandum wilayah nyan ka tundok dibaroh kuasa kesultanan Aceh.  But nyoe pih ka tente ji beungeh pihak keurejeun Aceh nibak masa nyan.

Bak masa thon 1871, na lom keuadaan lage nyoe rupa nyang ji peujeut haro hara di Aceh nibak masa nyan.  Na padum tanda awak Beulanda jineuk peukaru keusultanan Aceh. Hai nyoe jeut keu leumah wap dari “Traktat Sumatra”, saboh meupakat antara Beulanda ngon Inggreh. Asoe lam nyan na keuh “Beulanda bebah ji peuluwah wilayah kuasa mandum pulau Sumatra” saweub nyan awak Beulanda hana wajeb le ji tundok atawa integritas keusultanan Aceh nyang na meu tuleh lam “Traktat London 1824”.

Neu baca sit: Jendral kohler, Mate Keunong Timbak Sniper Aceh

 Na lam saboh buku “Perang Kolonial Belanda Aceh” geu seubut disinan  nakeuh keurajeun Aceh  ka soesah “Traktat Sumatra”

Aceh na keuh bangsa meudehlat ngon meurdehka, saweub nibak nibak keurajeun Aceh geu jak lakhee tulong bak neugara sahabat lage bak Turki, Amerika ngon Italia.

Phah bak beuleun September  1871 awak Beulanda ka ji jak peugot aturan galak-galak heut jih, lage miseu politik agresi, nan mantong Beulanda sit ka droe jih ku ‘eh hate. Tujuan awak beulanda ji peugot meunan na keuh ngat bagah ji rumpok peungaroh atawa pulau Sumatra nyan beujeut atra jih atawa paleng hana beuna hak jih.

Ji kirem keuh surat le peumeurintah Beulanda bak sultan Aceh, Tuanku Mahmud Syah,  bak buleun Oktober 1872. Asoe dari surat nyan na keuh “awak Beulanda galak ji neu kirem saboh komisi, nyang  jeut keutua watenyan Residen Riau tujuan hana laen peuseuleusoe padum boh masalah nyang  teupeuh dari dua boh pihak”.

Neu baca sit: 

74 Thon Nanggroe Meurdehka, Rajo Lelo Gohlom Na Geular Pahlawan Nasional

Asoe Surat Beulanda Pakat Prang Aceh

Dua beuleun seuteuleuh nyan, bak Beuleun desember 1872 Sultan Aceh geu jaweub asoe surat nyan, nyang geu peutroeh bak Residen Riau, nyang geu amanah bak Panglima Tibang Muhammad ikot seureuta pheut droe ulee balang treuk. Asoe surat nyan na keuh geu lakhe le sultan Aceh tunda ile meu padup beuleun, saweub Sultan Aceh teungoh geu preh troeh woe utosan gobnyan nyang teungoh geujak Sultan Turki .

Utosan Sultan Aceh nyang jak u Riau wate geuwoe geu ek kapai “Marnix”, seumambe watenyan geu piyoh siat u Singapur ji neuk peugot hubungan ngon konsulat Amerika ngon Italia, keujadian nyoe bak thon 25 Januari 1873. Lam buku Perang Kolonial Belanda di Aceh geu tuleh, awak Amerika pih ka ji peugot saboh janji kerja sama antara Aceh ngon Amerika lam urusan haro hara Aceh ngon Beulanda.

Lam buku M. Nur El Ibrahmy, n a saboh fakta laen. Na keuh asoe buku Selayang Pandang Langkah diplomasi Kerajaan Aceh, (thon 1993 buku geu peuteubit), peu tra ji peugah lam nyan,  geu peugah le teungku ibrahimy “awak amerika ka ji bantah jih terlibat, padahai utosan le awak Maerika di Singapur na pernah ji akui na ji teurimong utosan Aceh. Teungku Ibrahimy keudroe ka cukup hireun bak ureung tuleh buku Beulanda Paul van’t  Veer, (1969). Geukuen le Ibrahimy Amerika pih ka meu khianat.

Bala teuntra Beulanda di Aceh (photo pienterest)

Na saboh hai lain, nyang ikot seureuta, lage lam thon 1824 di pulau Sumatra ka ji peujeut awak Beulanda ka mulai sosah.  Saweub nibak nyan Beulanda pih ka ji cok saboh sikap, wap ka sosah ngon hasel meupakat di Singapur antara Aceh ngon Beulanda, sawaeub jeut meurugoe pihak Beulanda. Lompih awak Beulanda na ji deungoe haba, skuadron Amerika di baroh Laksamana Jenkins ji keuneuk jak dari Hongkong u Aceh bak tanggai 1 Maret 1873. F.N. Nieuwenhuyzen ji angakat jeut keu Komisaris Hindia Beulanda le gubernur Hindia Beulanda watenyan. Hana laen naksu ji jok mandat beu jijak u Aceh ngat ji usaha atawa ji rayu Sultan Aceh beu ji akui Keudehlatan (kedaulatan) Beulanda. Meunyoe sultan Aceh geu tem meungaku, ta kira laju pihak keu lhee pasti  h’an ji tem meupakat le tulong peudame Aceh.

Niewenhuyzen nyan buno ji jak u Aceh bak tanggai 7 Maret 1873 ngon kapai prang ji peunan Citadel van antwerpen na saboh kapai treuk atra pemeurintah Siak. Ban troeh u U Pulau Pinang utosan Beulanda nyan na meusapat dua boh kapai prang treuk atra Beulanda ( nan jih kapai Manix ngon kapai Coehoon).

Awak nyan troeh laot Aceh bak tanggai 22 Maret 1873, seuteuleuh nyan jijok saboh haba hana mangat keu Sultn Aceh, Tuanku Mahmud Syah. Sultan Aceh geu jaweub hana geu pateh peu nyang galak Beulanda, saweub nyankeuh bak tanggai 26 Maret 1873 utosan Gubeunur Hindai Beulanda Nieuweuhuyzen ji peugah Beulanda ji keuneuk prang Keurajeun Aceh.

Bak tanggai 15 bueleun April awak Beulanda ka siap jitroen u darat Aceh ji jak ngon 6 boh kapai prang ji peunan kapai “Djambi, Citdael van Antwerpen, Marnix, Coehoon,Soerabaja, sumatra”, na dua boh treuk  kapai laot peumeurintah Siak ngon Bronbeek. 5 boh barkas, 8 boh kapai peronda, 1 kapai komando, 6 boh kapai meuangkot, 5 boh kapai layeu, mandum kapai nyan ji tarek le kapai meuangkot. Lage 3 boh kapai bala artileri, kaveleringon ureung keureuja paksa, na saboh kapai treuk ji muat aneuk beude atawa kapai ba seunjata prang, seukeuneuleuh na jiba kapai peusapat ureueng saket.

Bala teuntra Aceh (photo seraamedia)

Pang Ulee Laot awak Beulanda watenyan na keuh J.F Koopman. Mandum bala teuntra Beulanda dari angkatan darat ngon laot na 168 droe perwira manyang, (140 droe ureung Eropa, 28 droe ureung asoe lhok Nusantara), 3198 bala teuntra pangkat ubiet jeut ta peugah piyon (mandum nyan aseuli dari Eropa 1098 droe ngon 2100 droe ureung asoe lhok nusantara), na sit 31 boh guda ji pakek le awak perwira, na sit 149 droe bala teuntra guda, 1000 droe treuk na awak keureuja paksa ngon 50 jeut seubagoe mando,  seubagoe peuleumah hura hura hana tuwoe sit awak Beulanda ji angkot 220 droe aneuk dara dari Jawa (ji bagi 8 droe sapoe tiep kompi) seureuta na 300 droe aneuk agam dari Jawa jiba sit na ureueng  peugah seubagoe tumon awak peuwira-pwuwira rayeuk pangkat. Lage nyang ka ta teupeu mandum bala Teuntra nyan ji pimpen le J.H.R. Kohler, gobnyan ji bantu le kolonel E.C. van Daalen, na sit jiba le awak nyan lage waki ule stap, na ajudan maseng-maseng, sep ngon komandan-komandan batalion, zani seureuta awak keusehatan ngon topografi.

Bak tanggai 6 beuleun April phon that awak Beulanda nyan meulaboh u Pante Ceureumen siblah timu Ulee Lheue, hana laen ji jak kalon-kalon keuadaan. Masa bak jijak pantau, ureung tanyoe Aceh pih hana ji peure le, sit langsong ji prang awak Beulanda, leuhnyan keuh awak Beulanda hana lansam le ji meudarat laju u darat aceh.

Bak uroe phon that awak  Beulanda meudarat u bumoe Aceh, takeun laju phon that kapai ‘’kapai prang citadel van antwerpen’’ langsong keunong prang 12  goe aneuk meuriam dari Teuntra Aceh. Meunurot seujarah pih Prang Beulanda di Aceh na keuh prang paleng trep di bumoe nusantara.

Leuhnyan lom , ta kira laju phah tanggai 6 beuleun April 1873 awak Buelanda pih hana rot seumangat ji karat meudarat u Aceh, ma peure lom le teuntra Aceh laju dipicroek sigoe teuk awak kaphe beulanda nyan. Singkat ceurita ta kisah na meu padup uroe lam masa meuprang, leuhnyan keuh awak beulanda ji teume reubot seumeujid raya Baiturrahman di Koeta Radja, bak tanggai 10 buleun APRIL thon 1873. Tapih saweub got geu karat le teuntra Aceh, watenyan geu pimpen le Teuku Imum Bata, awak beulanda hana jadeh ji kuasa seumeujid.

Bak  tanggai 14 April 1873 Belanda jimkarat lom reubot seumeujid, lam prang kali nyoe langsong roh Jendral Kohler. Tapih neu’ah bak Kohler kalinyoe, jih mate keunong timbak bak jantong le sniper Aceh. Padahai niet awak Beulanda nakeuh ji neuk kuasa keusultanan Aceh, tapih hana meurumpok. Awak Beulanda suah teuraje cok langkah siribe, ji kareuna talo prang, meunurot awak seujarah awak Beulanda na 45 droe mate ( na lam nyan 8 droe peuwira) seureuta na 405 droe luka mantong (23 droe lam jeumeulah nyan na 23 awak peuwira).

Lhee uroe seuteleuh keujadian nyan, awak beulanda ka suah balek lom u pante, seubab ka teumakot. Leung meu padup uruoe leunyah ta kira laju bak tanggai 23 April 1873, awak Beulanda na meurumpok perintah diyu weh dari pante aceh. Na meurumpok peurintah nyan, bala teuntra pihn hana rem le, laju ji jak cok alangkah siribe ji tinggai Aceh bak tanggai 29 April 1873.

Jeut ta peugah prang Beulanda keu phon sit talo totok. Awak Beulanda ka mulai ji pikhe habeh-habeh kiban cara ta prang awak Aceh seureuta beu jeut ta peutaloe bak kali keudua nyoe. Lam meupeusiap prang keudua, awak Beulanda jitam awak rayeuk lam keurajeun Aceh jak peugot hubnungan ngon awak luwa nanggroe.

Bit sit meunan, awak Aceh pih hana lale le. Keun awak Seujarah di Penang na ji peugot saboh dewa, geupeunan ‘dewan Lapan”, na lam nyan 4 droe ureueng  tokoh Aceh, 2 droe ureung Arab, ngon 2 droe treuk ureung keling lahee di Penang, ji meupakat urusan kacoe di Aceh. Lam haseu meupakat nyan kiban cara awak nyan bu jeut ji peutamong peukakah prang u Aceh , nyang jeut keu massalah na keuh beujuet leupah dari swepeng awak Beulanda lam laot raya. Cara awk nyan na keuh beu jeut kirem haba bak ureueng di nusantara awak beulanda beu ji lawan sit.

Ji awak Beulanda pih cukop paleh, jih nyang pakat prang ka ji jak peunan prang nyoe ngon Atjeh Oorlog (basa Beulanda) atawa lam basa Aceh geuseubut “Prang Aceh”. Meunyoe ureung Aceh pih han geutem taloe, geupeunan teuma ngon nan “Prang Beulanda”, “Prang Gompeuni”, :Prang Sabi” atawa ‘Prang Kaphe”.

Meunan keuh kisah awai calitra seujarah phon seubab kaphe beulanda ji prang Aceh, beujeut keuh seujarah nyoe ji teupeu le aneuek cucoe geutenyoe, pakiban bakoe jih indatu tenyoe jameun geu beujuang bak peuteun nanggroe ngon agama.

Sumber: Dari berbagai sumber bacaan buku dan artikel internet, dan ditulis kembali dalam bahasa serta dialek Aceh.

kalau ada kesalahan dalam penulisan sejarah ini teguran di komantar dan meunyoe beda dialek tulesan lam basa Aceh ta maklumi mantong, saweub tiep daerah di Aceh beda dialek bahasa.