Jendral kohler, Mate Keunong Timbak Sniper Aceh

Haba Jameuen: Jendral Kohler Mate Ji Yup Bak Geulumpang

Phah bak thon 1873, awak kaphe Beulanda ji peuteubit saboh maklumat prang keeu ureueng Aceh. Keun awak seujarah, nyoe keuh prang paleng trep nyang ji rasa awak Beulanda di Nusantara.

Phon that awak Beulanda ji troen u Aceh bak thon 1873, Ji indatu tanyoe jameuen pih hana geu peuree sagai, langsong ji sambot awak Beulanda ngon prang. Agresi Beulanda keu phon di Aceh phan bak tanggai 26 Maret 1873 masehi, watenyan peumimpin teuntra Beulanda ji mat le Jendral Kohler. Bak pantee Ulee Lheu disinan keuh awak Beulanda phon that ji troen. Seuteulah nyan bala teuntra Beulanda laju dijak u pusat keurajeun Aceh, Koeta Radja (nan jameuen, jino geu peunan Banda Aceh). Teuntra Aceh pih wate nyan pih h’an keundoe ji meulawan bala teuntra Beulanda.

Jendral Kohler (Photo bosmurah.com)

Nibak watenyan bala teuntra Aceh suah atret, wap awak Beulanda leupah leungkap seunjata, bit ka meunan bala teuntra Beulanda ji teumeu cok seumeujied Raya Baiturrahman. Bak padup boh haba geu peugah bala teuntra beulanda na meu 5.000 droe ureueng.

Namun karena persenjataan Belanda yang lengkap membuat pejuang Aceh terpaksa mundur, dan Belanda berhasil menguasai Masjid Raya Baiturrahman. Beberapa sumber disebutkan, saat itu pasukan ekspedisi Belanda berkekuatan 5.000 orang. Na saboh haba geu peugah sit bak tanggai 14 April 1873 masehi, wate jendral Kohler teungoh jok peunutoh keu bala teuntra Beulanda phah bak leuen seumeujied raya Baiturrahman, diluem keuh le sidroe ureueng teuntra Aceh lam keuadaan meupikui geu peuleuh aneuek beude, kira laju na meu 100 mete, aneuek beude nyang geu timbak nyan phah keunong bak jantong jendral kohler. Kaphe Beulanda nyan langsong reubah meupayeuk ji yup bak Geulumpang nyang bak leuen seumeujied raya Baiturrahman. Awak Beulanda bak geulumpang nyan ji peunan ‘Kohlerboom’ atau bak Kohler. Keun ureueng ahli seujarah tukang timbak (sniper) nyan sidroe ureueng mantong muda tanggong kira laju na umue 19 thon nyang geu meusoem bak seulingka nyan.

Bak Geulumpang (photo: duniadalamberita)

Wap keujadian nyoe bala teuntra Beulanda ka roet seumangat. Haba nyoe bagah meuluwah bacut nibak watenyan, kira laju troeh haba ban sigom donya sampe u Eropa. Meunorut haba dari indatu jameuen ureung tukang timbak (sniper Aceh) nyoe syahid geuh keunong timbak le teuntra Beulanda hana trep leuh keujadian nyan.            

                             

Meunyoe na ureueng teumanyoeng soe geuh nan ureung tukang timbak Jendral kohler? Meunurot ureueng tuha geutanyoe Nukman umue 68 thon wate nyan, gobnyan na keuh cuco Imuem Lueng Bata geupeugah ureung tukang teumimbak (sniper) nan gobnyan na keuh Teungku Imum Lueng Imum Lueng Bata, nyang hana laen sit abuchik gobnyan keudroe. Menurt keun gobnyan awak media hana geu tu’oeh tuleh nan ureung timbak jendral Kohler.

Baca:
Asoe Surat Beulanda Pakat Prang Aceh

Neu Ingat, 26 Maret 1873 Beulanda Ultimatum Aceh Ji Pakat Meuprang

Jendral kohler, Mate Keunong Timbak Sniper Aceh

74 Thon Nanggroe Meurdehka, Rajo Lelo Gohlom Na Geular Pahlawan Nasional

Nan aseuli Teungku Imum Lueng Bata na keuh Teuku Nyak Radja. Gobnyan aneuek dari Teungku Chik Lueng Bata ji tamoeng lam wilayah keusultanan Aceh. Meunurot geu keun le Nek Nukman, nibak watenyan wap keuadaan hana aman lom, indatu jameun geu meupakat geu som soe ureueng tukang timbak jendral Kohler. Nan jih mantong sniper istilah haba jino, ma pane na jeut peugah-peugah nan gobnyan.

Kira-kira jioh Imum Lueng Bata watenyan ngon Kohler kira laju na 100 mete, meunan geu keun le Nek Nukman. Seunjata nyang geu mat le Imum Lueng Bata watenyan na keuh seunjata biasa, koen seunjata keubit tat, tapih nyawoeng sidroe jendral punah watenyan ngon sineuk aneuek beude. Phah keunong bak jantong hate si Kohler atawa mate disinan ji miyup bak geulumpang. Wate ka keunong aneuk beude jendral Kohler jan ji keun lam basa awak nyan “Oh God ik ben getroffen (Oh Tuhan ka keunong lon)”.

Sapoe inoehat Nek Nukman hana geu teupat pih jeurat Imum Lueng Bata ji peu kubu. Meunurot haba seujarah geu keun Imum Lueng Bata syahid bak wate geu plueng ji let le kaphe Beulanda, tapih hana meuphat lokasi jih.

“Na sit haba gobnyan meuninggai di Geulumpang Minyeuk, Pidie. Allah keuh nyan teupeu mandum peu keuh makna kubu gobnyan hana meuphat, mungken sit gobnyan beu lam lindongan sabe dari kaphe Beulanda nibak watenyan,” geu keun le Nek Nukman.

Sumber : Dari berbagai referensi buku dan ditulis kembali dalam dialek bahasa Aceh