74 Thon Nanggroe Meurdehka, Rajo Lelo Gohlom Na Geular Pahlawan Nasional

Panglima Rajo Lelo Peujuang Kluet Hana Meuphat Geular Pahlawan

Kisah peujuang ureueng Aceh bak peuteuen Nanggroe nyan hana peu ta hireuen le. Na padup droe pahlawan Aceh nyang ka meureumpok geular pahlawan nasional. Ta kira laju lage Cut Nyak Dhien, Teuku Umar, Teuku Chik Ditiro dan leu mantong pahlawan-pahlawan Aceh nyang ka syahid bak peuteun nanggroe ngon agama nyang ramee hana ta turi, peulom le peumeurintah chit sagai hana dipeureumeun. Peujuangan ureueng Aceh bak peuteuen agama ngon nanggroe watee meuprang lawan Beulanda cukop rayeuek seumangat, seubab watenyan teungoh na keusultanan Aceh nyang geumeudong ngon Islam. Ureueng Aceh na keuh ureueng taat keu agama Islam. Awak Beulanda nyan na keuh musoh rayeuek ureueng Aceh nyang geu peunan lee indatu jameuen ‘Kaphe’.

Sama Indra bupati aceh selatan 2013-2018 ziarah makam raja lelo (foto medan bisnis)

 Na keuyakinan nibak watenyan tip penjajah nyan ureueng  kaphe (musoh agama), maka jeut keuh seumangat prang Fii sabilillah ureueng Aceh untuk jak prang kaphe Beulanda.  Seumangat ureueng Aceh wate awai jemauen nyan, meunyoe meuninggai wate prang lawan kaphe (Beulanda), cit ka pasti  ganjaran meurumpok pahala syahid dari Allah nibak uroe akhe.  Hana suah ta hireuen le pakoen awai phon kaphe Beulanda troeh u Aceh  sampoe Indonesia  Meurdehka hantoem sagai  mangat peurasaan hate, nyan mandum wap ureueng Aceh sabee dilawan kaphe beulanda.

Baca : 

Asoe Surat Beulanda Pakat Prang Aceh

Neu Ingat, 26 Maret 1873 Beulanda Ultimatum Aceh Ji Pakat Meuprang

Jendral kohler, Mate Keunong Timbak Sniper Aceh

74 Thon Nanggroe Meurdehka, Rajo Lelo Gohlom Na Geular Pahlawan Nasional

Ta kisah keuh salah sidroe na keuh peujuang  asai  Kluet – Aceh Seulatan Panglimo Rajo Lelo, i gobnyan geu prang  kaphe  Beulanda ngeon seumangat fi sabilillah, nibak watenya awak Beulanda dipimpin le Kapten J Paris.

So Panglima Rajo Lelo Nyan?

Nan asli gobnyan na keuh Ibnu Wantaser, lahe di Pung Besei (nan awai) jino geu peunan Kampung Sapik, kecamatan Kluet Timur, kabupaten Aceh Selatan.

Gobnyan geu peujeut keu panglima wate masa Raja Kluet Keujruen Mukmin thon 1913.

Wate nyankeuh nan gobnyan geu lakap jeut keu Panglima Rajo Lelo, awai dile abang gobnyan nyang jeut keu Panglima, Abdul Malik. Masa  manyak Rajo Lelo geu peuruno ileume agama le abu gobanyan. Ileume agama nyang geu tuntot seureuta gobanyan cukop gagah wate muda, ceubeh, hana sulet ngon meuwibawa.

Akai paleh awak kaphe Beulanda wate nyan cukop brat meurasa, kira laju dipasak keureueja atawa rodi. Deurita ureueng Kluet got tat meuleubeh watenyan,  ji kareuna dipaksa peugot jalan dari Paya Dapue sampe u Lawe sawah ngon Kuta Fajar sampe troeh jalan arah jak u Menggamat. Ureueng Kluet watenyan beutoi dipaksa keureueja le Beulanda sampoe meu beuleuen-beuleuen, ka lage hana ji anggap le manusia. Seubab keuadaan geunteng meunan, teu pikhe keuh lam hate Raja Lelo kiban cara ta lawan kaphe Beulanda nyan? Beureutoh keuh prang Kelulum nibakwatenyan.

Lam buku “Kluet Dalam Bayang Sejarah” karya Bukhari dkk (2008) geu tuleh lam buku nyan: Prang Kelulum beureutoh pah wate tanggai 3 April 1926 Masehi, phah 5 jeum, dari poh 05.20 keumeutroh wate suboh sampoe poh 10 beungoh. Lam prang nyan awak Beulanda na 23 droe sep ngon seujanta mandum.

Ureueng tanyoe Kluet watenyan geu pimpin le Panglima Rajo Lelo nakeuh geumat seunjata peudeueng mantong nyang ka geu asah cukop tajam. Paglimo Raja lam hate na saboh beuneumat ngon na niet saboh kalimat tauhid nyang sabe geu keun lam hate :La Ilaaha Ilallah”, seudangkan aneuk buah Rajo Lelo hana rame kira laju na 20 droe. Akhe dari prang nyan, awak tanyoe peujuang Kluet meuhase geu peu mate Kapten J Paris nyang geu poh keudroe le Panglima Rajo Lelo seureuta serdadu beulanda nyang laen.

Prang kelulum nyoe keuh teurasa deurita bathen bak awak  Beulanda, seubab pasukan awak nyan karap habeh mate bak peujuang ureueng Kluet. Kapten J Paris na keuh pimpinan Brigade Divisi 5 Marsose, na keuh prajurit pilehan Beulanda. Pihak dari peujuang ureueng Kluet syahid ta kira laju na 20 droe, tamong lam nyan Panglima Rajo Lelo sajan cit syahid watenyan.

Bit cit meunan, na ji teubit saboh pertanyaan ‘Pakon Panglima Raja Lelo’ nyang ka geu beujuang sampoe nyawong geu peutaroh (walo gobnyan geu harap pahala syahid) sampe inoehat peumeurintah Indonesia hana diakui atawa hana dijok geular pahlawan? Peukeuh gobnyan cit hana geu anggap sapeu.

Meuyoe tajak bak Bhom atawa kubu gobnyan bak bate nisan di Padang Kelulum bisa jeut keu saboh bukti seujarah atawa hana peu geu weh weuh le awak peumeurintah akan beutoi gobnyan beutoi sidroe peujuang.

Na peundapat dari masyarakat Kluet mungkin ji seubabkan Panglima Rajo Lelo nyan kon dari suku nyang dominan di Aceh, meuphom jih ji kareuna gobanyan kon dari suku Aceh. Ji kareuna Rajo Lelo na keuh keuturunan dari suku Kluet, suku paleng bacut jeumeulah jih di Aceh. Seulaen nyan Cuma na keuturunan 4 boh kecamatan di Aceh Seulatan (Kluet Timur, Kluet utara, Kluet Tengah ngon Kluet seulatan) mungken bit cit oe meunan kadang.

Lage haba na dituleh lam kompasiana.com nibak masa bupati Aceh Selatan Tgk. Husien Yusuf  thon 2008-2012, ka geu tem kalon atawa dipeugot keulai kubu Raja Lelo nyang na di Kelulum. Lage keun ureung gampong disinan (awak Kampung Sapik) mungken gobnyan aseuli asoe lhok awak Kluet, maka geutem hiro ata nyang na di kluet. Lage keun awak gampong disinan lawet nyoe ka rame awak dari teuntra ngon peulisi atawa peumeurintah geu jak saweu Bhom Kelulum kubu Panglimo Rajo Lelo wate nibak uroe got, beuleun got. Seubeuna jih awak peumeurintah bek kalon bule wate bak boh geular pahlawan nyang ka meujasa bak nanggroe. Lompih meunan, awak pemerintah lam urusan nyoe hana jeut pileh gaseh (kalon suku) bak geu peuteunte soe-soe ureueng nyang patot atawa hana patot jeut geu jok saboh geular pahlawan. Nyang paleng sayang ‘oh ta kalon ureung Aceh nyang keumarang buku seujarah hantom na geu peugah nan Panglimo Raja Lelo nyang na bak saboh masa jeut keu peumimpin peujuang jak lawan atawa prang awak Beulanda. Bit cit meunan, ka lage nyoe haba awak asoe lhok Kluet meurasa hana mangat hate. Nyang peukok beu ta peuteupat, jino keuh wate jih seujarah Panglimo Raja Lelo beu iteu bak sigom donya, saweub seujarah nyan hanjeut ta peusulet.

Bit sit meunan, awak peumeurintah beu ka jitem peureumeun, peulom ile bek jioh ta peugah awak peumeurintah Aceh Seulatan keudroe beu jitem hiroe atawa beu saboh keun jitem peujuang panglimo Raja Lelo beujeut keu pahlawan nasional. Lage keun Soekarno jameuen lam basa Meulayu “Bangsa yang Besar Adalah Bangsa yang Mau Menghargai Jasa Para Pahlawannya”.

Sumber: kompasiana.com (Ditulis kembali sebagian dalam bahasa Aceh)