Ka Paloe, Piep Rukok Teungoh Meu Honda Keunong Beureukah Lam Peunjara Lhee Beuleun

Na mantong ji peugot atoran lawet nyoe! Awak peulisi ji peugaih keu neuk coek tindakan bak soe mantong ji piep rukok teungoh meu honda. Ka teunte biet ka lage nyoe, miseu hawa piep rukok suah piyoh ile meu honda bak jalan.

Ji peugot atoran nyoe pih na seubab ngon atoran baroe nyang ji peugot le Meuntroe Peurhubungan Repoblik Indonesia Numboi 12 Thon 2019 Teuntang Perlindungan Keselamatan Penggunan Sepeda Motor yang Digunakan Untuk Kepentingan Masyarakat. Ji peugaih atoran nyoe ka awai ji peugot di Jakarta, padahai ka ji peugot di Jakarta ma keupue lom ijak peugot u daerah laen.

Contoh ureueng piep rukok teungoh meu honda (Okezonenews)

Keun awak peulisi lom “ban na ji teubiet atoran nyoe, kamoe langsong coek tindakan bak ureueng nyang meulanggai sajan laju kamoe jak pareksa bak jalan,” meunan geu keun le Kasubdit Bin Gakkum Ditlantas Polda Metro Jaya, nan gobnyan Komisareh Peulisi M. Nasir wate ji jok jawaban bak awak wartawan wate uroe Minggu tanggai 31 Maret 2019.

Nyang leubeh paloe lom nakeuh, si barang gasoe ureueng meu honda ji piep rukok ji keuneuk jok saboih pasai 283 Undang-Undang numboi 22 hon 2009 hai Lalu Lintaih, ngon ancaman ji beureukah lhee beuleun lam peunjara atawa jeut sit bayeu deunda 750 ribee rupiah. Wah, ujong-ujong jih ji mita peng sit le awak nyan, meunan lah kira-kira ta peugaih laju.

Meunurot haba nyang meu cureih lam viva.com, ji peugah disinan atoran pasti jih sit ka bak tanggai 11 Maret 2019 ka beurlaku. Alasan jih teutap lage haba bunoe, piep rukok teungoh meu honda jeut meuganggu keuseulamatan ureueng bak jalan, padahai peu urosan piep rukok keudroe rot toh jalan jeut meuganggu.

Geu keun lom le Komisareh peulisi bunoe Pak Nasir, “kana sit geu cok tindakan saweub ka meulanggai bak ureueng nyang batat tungang. Biet sit meunan geu peugaih le gobnyan lom ka padup droe ureueng ka ji droep. Meu Honda teungoh piep rukok nyan jeut meuganggu konsetrasi  bak jalan. Meunyoe ka hana konsen le nyang jeut keu mumang bak jalan. Seulaen nyan pih jeut saboih ancaman ureueng meu honda ngon ureueng laen”, meunan geu crah haba le Pak nasir.

Jadi awak geutanyoe biet sit hana ek teun le keu rukok meunyoe teungoeh meu honda, neu piyoh dile bak rot, nyan baroe neu teut rukok.