7 Droe Peujuang GAM Paleng Ceubeuh Nyang Ji Takoet Le Musoh

Seuteuleuh Dehlarasi  Aceh Meurdehka le Tgk. Hasan di Tiro bak Gunong Halimon, di Pidie tanggai 4 bueleun Desember thon 1976, kayem ta deungoe ta deungoe ceurita peujuang Geurakan Aceh Meurdehka.

Na sit ta deungoe ceubeuh, na sit nyang keubai anek beude ngon ileume peugadoh droe. Deungoen sipeut nyoe keuh awak TNI wate nyan ji takot keu awak GAM (Geurakan Aceh Meurdehka) atawa ureueng awam pih seugan ngon awak nyan. Keu awak GAM wate nyan jikeun awak ateuh atawa ureueng gunong, meukeusued ih watenyan awak GaM ji meusapat lam uteun-uteun Aceh.

Teuntra GAM (photo atjehcyber)

Nyoe keuh ta peugah soe-soe awak peujuang GAM watenyan nan jih cukop meusyuhue, atawa abe ji mia le si Pai atawa aparat TNI.

SURYA DARMA alias Robert

Bak masa thon 90 meunan, Surya Darma atawa Robert that meusyuhue di Aceh. Gopnyan sidroe peujuang GAM nyang paleng  ji mita ngon ji takot le TNI. Gamba awak nyan ka ji bagi-bagi bak jamboe rondo. Robert nyoe kayem ataw meusyuhue bak thon 1989-192 bak kawasan Aceh Timue ngon Aceh Utara.

Taph, soe keuh Robert nyoe? Gopnyan na keuh sidre aneuek Minang, nyang lahe di Lampaseh, Banda aceh nan aseuli geuh Surya Darma. Gonyan sidroe mantan TNI. Bak thon 1985, gobnyan dari Batalyon 113 Kota Bakti, Pidie na sit peurnah ji kirem u Timor Timur (jino ji peugah Timor Leste) ji neukja prang pasukan Fretelin.  Seuteuleuh geu woe dari Timor Timur, Robert na peurnah ji tupuek sidroe Peulisi Militer(PM) wate teungoh kalon bioskop Beringin. Saweub ulah nyoe, Robert keunong hukom bak komandan sare na keunong lop lam peunjara bak LP Sigli. Sithon seuteuleuh nyan Robert ka ji peugot lom masalah ijak cue peng nyan cukop leu, ta kira laju na reutoh juta rupiah atra PT Arun. Biet ka meunan, Robert dipeucat dari dinas Militer.

Surya Darma atawa Robert

Beuna ta teupeu sit, seubeuna jih Robert katrep na galak keu peurjuangan GAM. Phah bak wate lam peunjara na meusahoe ngon ureueng GAM lam peunjara Batalyon 113 kota Bakti, Robert ji kalon awak GAM teutap seumayang  biet sit lam peunjara. ‘’Awak ABRI nyang  ji gaji peumeurintah ka ji meujudi teuma ngon ji jep ie maboek. Leuh nyan keuh lon galak atawa tamoeng GAM. Leu sit awak ABRI galak keu ureug GAM wate nyan’’ keun Robert lam peugah haba di saboih maajalah Forum Keadilan, bak 11 Januari 1999.

Bak saboih kutika, Robert na ji tupuek sidroe camat di batee, Pidie, Robert ngon Arjuna ji teume plueng wate jipile le Si Pai. Gobnyan geu lplueng u Malaya. Bak thon 1993, keunong hukom mate bak pengadilan Lhoksemawe, istilah jih gobnyan hana hadir bak pengadilan.

ARJUNA

Leuhnyan nan laen lom peujuang GAM nakeuh Arjuna, i gobnyan meusyuhue bak thon saban lage Robert antara 1989-1992. Arjuna nyoe peujuang eks Libya (1988-1992) beda ngon Robert sidroe mantan TNI. I gobnyan ji turi wap that ceubeuh ngon beuheu, lom pih sidroe peujuang  GAM ahli meu atoe seurangan. Arjuna nyoe sidroe na ileume sikula lam GAM, saweub sidoe alumni dari fakultas Doktoe Hewan, Universitas Syiah Kuala. Han peu hireun beuh, sithon meusahoe ngon awak peurjuangan GAM, Arjuna geu peucaya jeut keu Ulee atawa Komandan pasukan elit GAM wilayah Pidie. Arjuna pih angkatan seukeuneuleuh (1989-1990) nyang ji kirem meulatih prang u Libya sajan ngon Ahmad Kandang. Leuhnyan angkatan peujuang sigo ngon Arjuna nakeuh Muzakir Manaf (jino seubagoe ketua KPA pusat), Ismail Syahputra seubagoe juru rundeng ASNLF GAM nyang peurnah di culek di Medan.

Lam pasukan GAM, meunyoe neu deungoe nan gob keun “Rambo” na keuh Arjuna nyoe, sidroe tokoh bintang lam film Amerika Hollywood nyan meu prang di Vietnam. Ji peunan Rambo wajar meunyoe keun gob, saweub i gobnyan cukup bakoe lam taktik prang gerilya. Arjuna ureung paleng di mita le Si Pai watenyan. Saweub ka hana aman le menyoe di Aceh, Arjuna na ji tupeuk sidroe camat di Batee, Pidie sigoe ngon Robert, leuhnyan awak nyan ji plueng u luwa Malaya thon 1992. Kira laju awak lam plueng, troeh Malaya keureuja peu nyang na asai troe pruet.

Bak thon 1997, Arjuna woe u Aceh. Ji woe rot peulabuhan Peureulak Aceh timue, saweub daerah nyan mantong ji kira aman wate nyan. Leuh nyan woe u Bireuen siat, hana trep leuh nyan plueng u Jawa di daerah Bekasi. Phah bakthon 2001, Arjuna woe u Bireuen lom, wate woe kalinyoe keuh keumah nyawoeng meulayang, nyang hana laen ji poh le awak droe gobanyan, saweub ka jikira sidroe ureueng khianat.

AHMAD KANDANG

Ahmad kandang, nan aseuli geuh na keuh Muhammad Rasyid. Tapih leubeh meusyuhue nan ji hoi Ahmad Kandang. Saweub i gobnyan lahe di gampong Meunasah Blang Kandang, Muara Dua, Aceh Utara. Ta kira laju phah bak thon 1998, Ahmad Kandang sidroe peujuang GAM nyang paleng ji mita le Si Pai. Saweub ji tudoeh rame mate awak ABRI watenyan nyang poh Ahmad Kandang. Wate nyan keuh na awak ABRI jino geu keun TNI ji peugot saboh operasi nyang ji peunan ngon Operasi Wibawa ’99. Paneuk haba ta peugah, lawet na Operasi Wibawa nyan keuh Aceh kajeut keu teumpat prang. Seubagoe operator lapangan, hana mudah meunan awak Si Pai ji droep sidroe ureueng Ahmad Kandang. Saweub i gobnyan di lindong le pasukan elit ngon ureueng gampong Kandang.

Ahmad Kandang

Na kayem neu deungoe nan Robinhood sidroe artis film Amerika Hollywood nyang but ceumeucue, leuh nyan hase nyan ji bagi bak ureung gampong, nyoe keuh na di Aceh Si Ahmad Kandang geu peunan wate nyan Robinhood Aceh. Saweub na peurnah i gobnyan geu jak cue peng bak Bank Central Asia (BCA) Lhokseumawe bak thon 1997, leuhnyan peng nyan ji bagi keu ureung gampong gobnyan. Nyoe keuh seubab i gobnyan sabe dijaga ngon di sayang ureueng Gampong.

Wate bak teungoh beuleun November 1998, na pasukan si Pai Brimob ka ji keupong rumoh gobnyan, nyang aneh jih awak Brimob nyan hana i keujeut timbak Ahmad Kandang nyang na lam rumoh wate nyan sajan ngon sidroe mak ngon aneuk manyak. Ureueng gampong ji pageu rumoh nyan untuk jak lindong Ahmad Kandang. Saweub na wate meunan, i gobnyan pih hana geu pire le, langsong cok langkah siribe jak plueng.

Beu neu teupeu sit, Ahmad Kandang sidroe ureung ahli bak raket bom.  Leu bom ka geu peugot ji neuk hadang operasi TNI. Seubako-bako gobnyan akhe jih meuninggai sit, saweub dari bom gobnyan peugot nyan beureutoh lam jaroe droe, padahai bom nyan ka jipeusiap untuk ji neuk hadang motor awak TNI.

ISHAK DAUD

Leuh Ahmad Kandang ta kisah teuma sidroe tokoh GAM nyan paleng ji mita sit le si Pai, hana lean na keuh Teungku Ishak bin Muhammad Daud, gonyan leubeh ji turi ngon nan Ishak Daud. Sidroe Panglima GAM Wilayah Peureulak, badan gobanyan sibak panyang geuh. Rua pih cukop ganteng na hi bacut lage bintang filem India.

Ishak Daud

Teungku Ishak Daud lahe di gampong Blang Glumapang Kuala Idie, kecamatan idie rayeuek, Aceh Timue bak tanggai 12 Januari 1960. Gonyan anaeuk keu phon dari pasangan Muhammad daud bin daud bin Teungku Basyah ngon Nuriah. Wate ubiet, gobnyan tinggai lam lingkungan gampong nyan cukop gasien. Ayah gobnyan keureuja jak u laot, but mak gobnyan peubloe kueh.

Saweub hana pueh hate geuh ngon keuadaan meunan, bak awai thon 1994, Ishak Daud bak umue 24 thon geu meurantoe u Malaya. Di nanggroe Malaya nyan, i gobnyan keureuja peu nyang na, na seubagoe keurija bangunan, si gogoe keurija bak waroeng. Saweub hana tahan le udep di Malaya, leuhnyan Ishak Daud geu meurantoe teuma u Singapor.

Saweub ureueng Aceh pih cukop jai di nanggroe nyan. Saban lage Malaya, Ishak Daud keurija peu nyang mudah troeh bak suphe labi-labi pih ka geurasa. Di Singapor keuh Ishak Daud geu turi GAM, saweub inan di Singapor rame sit ureueng GAM peugot rapat politik la nanggroe nyan. Paneuk haba ta peugah, i gonyan kayem geu ikot rapat GAM. Ka teunte keuh kana wawasan bak gonyan bak geuteupeu seujarah Aceh.

Phah bak thon 1987, Ishak Daud geu baiat (geu sumpat) le Teungku Abdullah Musa seuboe anggota GAM. Peukeuh lom wali neugara Hasan Tiro, beutoi that peureule sidroe aneuk muda lage Ishak Daud untuk ji peurunoe ileume militer ji neuk kirem u Libya. Woe dari Libya, Ishak Daud geu piyoh siat u singapor. Ta kira laju na meu 12 uroe inan, leuhnyan baroe geujak woe u Aceh rot Peulabuhan laot Tanjung Balai. Leuhnyan geu ek moto bus ji keuneuk woe u gampong di idie Rayeuek. Seteuleuh troeh u gampong, Ishak Daud, keurija mugee eungkot atawa peubloe eungkot sajan sigoe ngon tujuan jineuk jak padan aneuek muda tamoeng GAM.

Meunurot haba ureueng peugah, Ishak Daud na keuh sidroe  ureueng GAM nyang i keujuet peu ek bandera Beueun Bintang bak SMA IdieRayeuek, Aceh Timue bak tanggai 4 Desember 1989, ta kira laju leuh na ji peu ek e wali Hasan Tiro bak tanggai 4 Desmeber 1976 bak gunong Halimon kalinyoe keuh na lom.

Bak tanggai 20 Mei 1990, Ishak Daud na sit geu seurang pos si Pai ABRI di Buloh Blang Ara, Aceh Utara. Lam geu prang pos Si Pai nyan na hase dua droe awak ABRI sajan sidroe treuk aneuek miet mantoeng SMP meuninggai. Ishak Daud sajan pasukan geuh geu teume ba plueng 22 boih beude M-16 sajan seunjata jeuneih Minimi. Saweub nyan Ishak Daud ji jokmhukoman 20 thon peunjara le pengadilan Lhokseumawe. Sidang nyan ji peugot di Sabang saweub na padup ka sidang  u likot ureung gampong ji bela Ishak Daud. Waten nyan keuh Ishak Daud geu keun seubagoe ule Biro peuneurangan Aceh Meurdehka. Biet si meunan, ka ijok hukoman 20 thon, Ishak Daud nyang na geu rasa  nakeuh dua thon sagai peunjara. Pakon meunan? Saweub bak masa presiden Abdurrahman Wahid, bak tanggai 21 Mei  2000, Ishak Daud ji peuleuh. Kana wate peuleuweung lom, Ishak Daud pih hana geu peure ji meusahoe lom ngon awak GAM. Pangkat seukeuneuleuh Ishak Daud seubagoe Panglima GAM Wilayah Peureulak – Teumieng. Paneuk haba ta peugah lom, Ishak Daud akhe jih meuninggai lam saboih seurangan awak TNI bak akhe thon 2003.

ABDULLAH SYAFIE alias Teungku Lah

Soe hana turi ngon Teungku Abdullah Syafie biasa geu hoi ngon na Teungku Lah, gobnyan na keuh panglima GaM nyang kharismatik, jeut ta peugah “di seugan le kawan, Ji takot lawan”. Lam pasukan, gobnyan ji turi cuko teugaih biet meunan sopan sabe geu jaga.Teungku Lah sidroe ureueng santon.

Bak saboih haba ji peugah na saboih kutika sidroe ureung meurumpok ngon gobnyan bak gampong di Glumpang Baro, Pidie. Ji peugah le awak nyan gobnyan beutoi ramah. Keun ureueng ceurita nyan na peurnah geu sapa le Teungku Lah geukeun ‘Aneuk Muda’. Ji peugah lom na lhee jeum geu duk sajan meurantam sajan ngon Tengku Lah. Waten nya Teungku Lah teungoh geuduk piyoh hek di gampong. Ureueng ceurita nyoe geukeun gobnyan cukop kagom bak Teungku Lah, saweub gobnyan sidroe ureueng nyang that di gaseh le pasukan.

Tgk. Abdullah Syafie (photo atjehnews)

Teungku Lah nyan sidroe pimpenan sayeup bak militer GAM. Gobnyan na sit geu mat seubagoe Panglima GAM wilayah Pidie, ngon seukeuneuleuh seubagoe Panglima GAM ban sigom Sumatra. Meunurot  haba, Teungku Lah na leubeh kureueng pimpen prang di wilayah Bireuen.

Leubeh hireun lom, Teungku Lah nyoe hana tom na meurunoe didekan la militer di Libya. Saweub nyoe keuh i gobnyan kureung galak ngon keukeurasan lam peurjuangan. Seunjatan ta peureule na keuh untuk ta lindong droe. Saweub hai nyoe keuh Teungku Lah sabe ji seugan le awak musoh.

Beu ta teupeu sit, Teungku Lah lahe di gampong Mataggeulumpang Dua, Bireuen. Gobnyan na geujak sikula sampoe glah lhee bak Madrasah Aliayh Negeri Peusangan. Tamat sikulah, Teungku Lah geujak pileh teuma peundidikan  bak dayah di Aceh. Teungku Lah awai that tamong GAM thon 1980, na sit gob peugah gobnyan tamong GAM si uroe leuh wali neugara Hasan Tiro geu beuntuk GAM di Gunong Halimon.

Meunurot haba gob peugah, Teungku Lah wate muda na peurnah jeut meusahoe lam sandiwara sajan grup Jeumpa. Jeut ta peugah jioh that dari buet militer. Tapih, wap gobnyan na peurnah lage nyan na peunteng sit lam peugot peunyamaran, atawa suah di teupeu le musoh. Na ureung keun sit Teungku Lah nyoe na ileume peurabon, bisa takeun ileume peugadoh droe. Paneuk haba, Teungku Lah syahid bak tanggai 22 beuleun Januari 2002 bak gunong  Jiem-jiem, Bandar baru, Pidie lam saboih seurangan awak TNI sajan ngon peurumoh ngon limoeng droe pasukan gobnyan syahid lam peunyeruangan nyan.

Sigohlom meuninggai, Teungku Lah na geu tuleh saboih wasiet, ‘’Menyoe bak saboih uroe singoh geutanyoe na neu deungoe haba lon ka syahid, bek geuh syedara teu rasa seudeh ngon putoeh seumangat. Saweub lon sabe meu lakhe bak Allah lon beu matee syahid, seubab Aceh hana trep le ka meurdehka. Lon hana galak na keududukan meunyoe nanggroe nyoe (Aceh) meurdehka”.

agar mensyahidkan saya apabila kemerdekaan Aceh telah sangat dekat. Saya tak ingin memperoleh kedudukan apapun apabila negeri ini (Aceh) merdeka”. 

ABU ARAFAH

Teungku Abdul Meuthaleb nyang leubeh geu turi ngon Abu Arafah nakeuh Panglima GAM wilayah Meureuhom Daya. Wilayah GAM Meureuhom Daya ji tamong sit wilayah GAM dari kecamatan Lhoong, Aceh Rayeuek, sampoe Arongan, kecamatan Samatiga Aceh Barat.

Abu Arafah (photo;atjehnews)

Abu Arafah geu turi awak militan nyang kayem seurang awak patroli TNI bak gunong Geureute, Aceh Jaya. Gobnyan saban uroe sabe geu peu ingat awak TNI bek sagai jak patrolo bak wilayah kuasa gobnyan. Tiep seurangan nyan bak TNI bak lintas gunong, na nyang peugah gonyan nyang seurang. Bak saboih kutika, na peurnah pasukan Abu Arafah geu picroek pasukan pengaman bahan logistik TNI BKO di kecamatan Jaya, wap dari nyan sidroe prada Suprianto anggota TNI dari kesatuan 320/siliwangi keunong cukop brat.

Keun Abu Arafah, “Kamoe ka dari awai peusiap seurangan nyan, neuk peu ingat awak nyoe bek le ji peulaku ureueng awam.’’

Abu Arafah na sit geu padan awak TNI meu prang bek meusom-meusom ngon pasukan. Saweub, tiep seuteuleuh kontak seunjata ngon GAM, awak si Pai  TNI/Polri sabe ji peulaku ureueng awam. Tapih prang nyan geu teugah le ulama, saweub prang nyan lam beuleun puasa. Pihak dari ulama agak yoe geuh, saweub Abu Arafah geu ancam geu seurang pos TNI meunyoe hana ji tem prang bak wailayah nyang jioh dari peunduduk.

“Kamoe meuhormati ngon neu peuyum haba ulama ngon tokoh masyarakat nyan, nyoe it meunyoe awak TNI/polri hana ji peulaku le ngon ijak jok keukeurasan bak ureung gampong seucara gasa,’’ lage nyan keun juru mariet AGAM wilayah Meureuhom daya, abu Tausi seubagoe wakilah abu Arafah.

Paneuk haba a kisah, Abu Arafah syahid geuh lam kontak seunjata ngon apsukan TNI di Aceh Jaya, bak tanggai 10 Oktober 2002. Biet sit meunan Panglima nyang meusyuhue GAM Meureuhaom Daya nyoe ji peu baroh atawa ji peu kubu di gampong gobnyan keudroe, di krueng Tunong, bak uroe Jeumeu’at  tanggai 11 beuleun Oktober 2002 seupot. Biet Abu Arafah ka hana le, Tapih GAM wilayah Meureuhom Daya teutap geu peusom haba meuninggai Panglima nyang that geu hormati nyan. Saweub ngat bek leumoh seumangat pasukan di lapangan.

SAIFUL alias Cagee

Amiruddin atawa geu sapa ngon Saiful atawa Cagee meusahoe ngon awak GAM bak thon 1998. Gobnyan galak gabong keu GAM leuh meu turi ngon Mirik. Si Saiful atawa Cagee nyoe seubagoe teuntra GAM  di kamp kosong sikureung palu Beueh Awee geutah. Watenyan, peutinggi GAM la kawasan nyan na keuh Husaini fanco, Razali sajan padup droe ureueng laen. Biet sit mantong jeut keu awak GAM , Cage nyoe ureung jih pih cukop beuheu ngon ceubeuh. Cagee jeut komandan Operasi Khusus bak thon 2001, saweub gobnyan leupah galak geuh jeut keu awak teumpur. Pasukan nyoe ji peugot bak thon 2001, le GAM Wilayah III Batee Iliek. Ta kira laju bak thon 2001 nyan, Cagee na geu peugot saboih camp gurkha di gampong Darul Aman, Peusangan Seulatan. Watenyan pih keuadaan pih seumaken geunteng, Cagee geu plah pasukan jeut tujoeh boh keulomok, dua boh keulompok dari tujoeh nyoe geu boih nan keulompok ‘Singa Bate’, Komandan jih ji boih Mirik, keulompok saboih treuk geuboh nan ‘Geubina’ nyang komandan jih Obeng. Seteuleuh CoHA, Cagee geu peu saboih lom pasukan nyoe di Gurkha, ngat pasukan GAM bek meucre-cre.

Saiful atawa Cagee (photo: bacaberita)

Cagee nyoe ji turi brat that ceubeuh, na keujadian gobnyan geu seumpoem seutempe KPA Bireuen dikeu awak tinggi GAM leuh dicoek Zaini Abdullah – Muzakir Manaf jeut keu calon geubeurnur ngon wakie geubeurnur bak pilkada 2012. Aleh pekon keuh jeut keu beungeh that. Phah bak tanggai 22 beuleun juli thn 2012 Cagee ji timbak ampoe meuninggai dikeu keude gobnyan di Gurkha, Matanggeulumpang Dua, Pidie, Bireuen.

Beu neu teupeu sit rakan mandum, seulaen nan di ateuh na laen lom atawa leu lom awak peujuang GAM meusyuhue atawa ji takot that le awak Si Pai TNI/Polri, Miseu ta peugah lage Ayah Muni (Panglima Operasi GAM wilayah Aceh Rayeuk), Abu Hendon, Panglima GAM wilayah Deli nyang peurnah peubeureutoh bom lam kota Medan atawa keuchik umar, seubagoe panglima GAM di Pidie. Na sit lom Udin Cobra, Keumandan operasi GAM di Pidie nyang meusyuhue jagoe meu taekwondo, Pawang Rasyid nyang nan gobnyan cukop ji turi watenyanlam wilayah Geumpang ngon Tangse, na lom RahmanPaloh nyang nan i gobnyan na geu timbak Peusawat teumpur TNI dari bak u keujadian nyoe wate di Pasee, Leuhnyan na sit Teungku Bari, Keumandan oeprasi GAM Batee Iliek. Leu lom nyang laen, bak haba laen ta peugah keulai.

Teurimong Geunaseh ateuh soe ureeung nyang ka baca seureuta ji tem bagi artikel neuk peu sampoe bak ureueng laen.

(Ta coek haba nyoe dari meubacam sumber nyang got ta peucaya)