Ji Tudoih Le Hakim, Na Meureutoh Juta Peng Dijok Le Irwandi Keu Steffy Burase

Peugah Haba News | Irwandi Yusuf Seulaku geubeurnur Aceh nonaktif ka jeulaih di vonis le hakim tujoh thon peunjara sajan ngon deunda peng 300 reutoh juta rupiah,

na sit di tamah lom ngon Subsider lhee beuleun lam peunjara, saweub ka salah ka ji teurimong peng sogok sajan ngon gratifikasi.

Fenny Steffy Burase (dok.kompas)

Jeulaih laju pak hakim pih ka geu peunyata na peng 568 juta nyang tamong data dari gratifikasi nyan ta kira laju nyang ijok keu Fenny Steffy Burase, nyang na isu awai ji peugah dara nyoe ka meunikah ngon Irwandi, nyoe pih haba kureung jeulaih seubab sampoe inohat Irwandi hana ji meungaku lom.

Kheun hakim anggota Emilia lam sidang peungadilan neugri Jakarta, bak uroe Seunayan tanggai 8 April 2019, meuno geu kheun: “Dari thon 2017 kon Irwandi Yusuf sampoe akhe beuleun Februari 2018 na ji kirem peng keu Steffy Burase ngon jeumeulah peng 568 juta, ta kira laju rot buku tabungan Teuku Fadhilatur Amri peng nyan ji tamong.”  Ji Peugah lom peng 568 juta rupiah nyan asai jih dari sidroe peungusaha, Teuku Fadhilatul Amri.

Kira Laju seuteuleuh ji bileueng jeumeulaih peng gratifikasi nyoe 8,717 meuliyar rupiah nyang ka ji teurimong le Irwandi Yusuf.

Meunurot keun Pak Hakim, pengan nyan buno sit ka ji teurimong le Irawandi seulama gobnyan meujabat keu geubeurnur dari thon 2007 – 2012 wate geubeurnur awai sampoe peuriode jino 2017 – 2022. 

Geu jeulaih le Pak Hakim lom peng nyan punca asai jih dari padup boih peuroyek nyang ka ji mat le awak peugusaha-peugusaha rayeuk. Oe brat intelijen Kapeka, dari data awai jameun na bak awak nyan.

 Nyoe keuh data peng nyan ka ji teurimong le Steffy dari peng gratifikasi Irwandi :

• 1.       Tanggai 24 Oktober, na 280 ribe rupiah
• 2.       Tanggai 16 November, na 115 ribe rupiah
• 3.       Tanggai 17 November, na 70 juta rupiah
• 4.       Tanggai 17 November, na 10 juta rupiah
• 5.       Beuleun November, na saboih juta rupiah
• 6.       Tanggai 18 November, na 10 juta rupiah
• 7.       Tanggai 17 November, na 5 juta rupiah
• 8.       Beuleun Novomber, na 10 juta rupiah
• 9.       Beuleun November na ki kirem bak reukeuning Hikmatul 10,3 juta rupiah
• 10.   Tanggai 17 Desember ji peugot baje oblong sajan ngon peng panitia 100 juta rupiah
• 11.   Tanggai 2 januari, na 110 juta rupiah
• 12.   Tanggai 28 Januari, na 150 juta rupiah
• 13.   Tanggai 29 januari, na 29,5 juta rupiah
• 14.   Tanggai 29 Januari, na 50 juta rupiah
• 15.   Thon 2018 na ji bayeu keu pajak steffy Burase, 11 juta rupiah

Seuteuleuh di jeumeulaih mandum, peng nyang ji teurimong le Steffy 567.195 juta rupiah. Tapih, lam sidang nyang geu kheun le hakim ji kira jeumeulaih rayeuk laju peng nyang ji teurimong le Steffy 568 juta rupiah.

Le Pak Hakim geu peugah lom peng gratifikasi nyan na keuh ji pakek untuk hal pribadi  sajan ngon peng beulanja udep Steffy. Kira laju meunyoe wate geu peugah le Pak Hakim : “Peng nyan na keuh ji pakek untuk beulanja udep teurdakwa sajan peng steffy, peng nyan pih untuk dana Aceh Marathon.

Beu ta teupeu sit lam kasus Irwandi, Ibuk Steffy nyoe na keuh salah sidroe saksi . 

Lam sidang awai, awak KPK na di tudoh Irwandi na hubongan ngon Steffy wate bak di baca tuntotan keu Irwandi Yusuf. Ji peugah watenyan awak nyan dua ka ji meunikah bak saboih apartemen di Tanoh Abang, di Jakarta Pusat bak tanggai 8 Desember 2017. Lam hai surat tuntotan nyan na bukti screenshot peugah haba WA Darwati A Gani dicok dari Steffy. Leuhnyan, na lom bukti screenshot haba Stefy ngon Irwandi teuntang buku Nikah.

Biet sit meunan, Pak Irwandi h’an sagai jitem meungaku jih ka meunikah ngon Steffy. Keun Irwandi niet meunikah ngon Steffy na, tapih ka ji peu bateu.

Wate lam sidang uroe Seunayan (1/4/2019), meuno ji peugah le irwandi: “Bahkeuh na ureueng na peugah Steffy nyan inong lon. Nyoe lon peugah dikeu inong lon (Darwati) memang na niet lon meunikah, tapih hana keumaih.’’

Awai sighlom nyan, Steffy pih ka ji bantaih ka meunikah siri ngon Irwandi. Biet sit meunan, jih ka ji peubeutoi na niet meunikah ngon Irwandi, lage keun Irwandi buno niet nyan ka ji peubateu. Keun Steffy lam sidang uroe Seunayan (22/10/2018), meuno teuma cara ji bantaih: “Tan na acara meunikah bak tanggai 5 Juli 2018, which is (sarang ji meututo lam basa inggreh) dua uro leuh ji droep.’’