Ketua FPI Aceh : Plt Geubeurnur Bek Neu Plueng Dari Tanggong Jaweub | Keupeu Jak Peubloe Keukayaan Aceh?

BANDA ACEH | Tgk Muslim Ath Thahiri seulaku keutua Front Pembela Islam (FPI) Aceh na geutuleih saboih surat nyang ji kirem keu awak Serambi Indonesia, geu peugaih lam surat nyan peu nyang geu peubuet le awak mahasiswa na keuh saboih sikap untuk peuseulamat hase keukayaaan bumoe Aceh mangat bek icok le awak aseng.

Tgk Muslim Ath Thahiri - Keutua FPI Aceh (foto for youtube)

Di likoet nibak nyan awak FPI Aceh geu kutoek buet awak peulisi nyan ji peubuet keukeurasan keu mahasiswa lam aksi demon tulak idien tambang PT Emas Mineral Murni (EMM), bak leun kanto geubernur Aceh, uroe Seulasa tanggai 9 Apri 2019.

Padahai seupatot jih, awak peumeurintah beuna rasa teurimong geunaseh keu adek-adek mahasiswa  atawa wate troh awak nyan beuna ji teurimong seucara got, bek gasa meunan, geu kheun le Tgk Muslim.

Geu peugah lom le Tgk Muslim lam surat nyan, “Geubeunur Aceh asai na rakyat naksu meurumpok untuk jak peusadeu untong kayem that hana bak kanto, hai lage nyoe kheuh nyang jeut keucewa.”

“Saweub nyan kheuh Plt geubeurnur Aceh beuna rasa tanggong jaweub lam hai nyoe, nyan hana ureueng nyang beutoi beujuang keu rakyat ka ji peu salah dan jisak lam peunjara. Awak peumimpin oe kheuh mangat pajoeh peng gaji dari rakyat, dilikoet nyan rakyat keunong jajah.” Kheun Abi Muslim nan sabe geu hoi keu keutua FPI Aceh nyoe.

Seulaen nyan lom awak FPI Aceh brat that keucewa ateuh sikap atawa buet nyang ka ji pubut le awak peulisi nyang hana patoet  wate ji peubra awak mahasiswa ngon cara keukeurasan.

“Saweub nyoe kheuh kamoe meu lakhe usot masalah nyoe,’’ kheun Abi Muslim.

Asoe seukeuneuleuh asoe surat keutua FPI Aceh geupeugah, “Geu bite keu  Aceh tulong caboet idien PT EMM nyan. Bek ijak peubloe hase bumoe tanyoe keu awak aseng. Saweub leu mantong ureung Aceh nyang mantong deuk dan hana lom keurija, pakon keuh peumeurintah hana sagai ji seumikhe pakiban cara keukayaan bumoe Aceh nyoe beujeut tacoek keudroe seubagoe keukayaan daerah tanyoe dan keukayaan rakyat Aceh? Pakon peumeurintah hana sagai ji pikhe lom pakiban hase bumoe nyan tacoek keudroe?”